BA BENAR A HARAM SO KA-TA’WEEL KO QURAN AGO HADITH (Part 1)

BA BENAR A HARAM SO KA-TA’WEEL KO QURAN AGO HADITH (Part 1)

Pakaiza:

Adn ko mga miyamakapangadi a pakararataan iran so ka-ta’weel ka kapangalin kon anan ko maana a Qur’an ago Hadith. Knaba kon galbk o mga Salaf so ka-ta’weel. Ba thito a marata ago bid’ah so ka-ta’weel?

Sembag:

So bebethowan sa Imaam o Ahlus Sunnah wal Jama’ah a thito a ped ko mga Salaf a kababantogan a Mujtahid ko mga Ulama sa donya, so Imaam Ahmad bin Hanbal (Rahimahullah) na miyosar sa ta’weel mismo ko katharo o Allah sa qur’an:

 روى البيهقي عن الحاكم، عن أبي عمرو بن السماك، عن حنبل، أن أحمد بن حنبل تأول قوله تعالى: وجاء ربك أنه جاء ثوابه، ثم قال البيهقي، وهذا إسناد لا غبار عليه

Maana:

Miyakapoon ko Hanbal bin Ishaaq a mataana so Imaam Ahmad bin Hanbal (Rahimahullah) na tiya'weel iyan so katharo o Allah sa qur’an:

و جاء ربك و الملك صفا صفا

(Maana: Miyakauma so Kadnan ka)

Sa aya ini-ta’weel iyanon na:

انه جاء ثوابه

(Maana: Aya miyakauma na so balas o Allah - kenaba mismo so Allah)

Phitaro o Imaam Ibn Katheer (Rahimahullah) ko Bidaayah wan Nihaayah a phitaro o Imaam Bayhaqi (Rahimahullah):

ﻭﻫﺬﺍ ﺇﺳﻨﺎﺩ ﻻ ﻏﺒﺎﺭ ﻋﻠﻴﻪ

(Gyanan a isnad na dadn a saninsaning iyan - maana Saheeh)

——————————————————

Thanodan:

Gyangkai a athar (thotol) mipantag ko ta’weel o Imaam Ahmad bin Hanbal (Rahimahullah) na tanto a mini awida akal o sabaad ko mga tao a pakararataan iran so ka-ta’weel. Mbarambarang a inismbag iran sangkanan a athar o Imaam Ahmad bin Hanbal (Rahimahullah) sa katii so katharo iran raks o smbag ami ko mga katharo iran:

1. PAGANAY A DAOWA IRAN

Dhaeef kon gyai a Athar ka kon a miyanotholon ko Imaam Ahmad bin Hanbal (Rahimahullah) na si Hanbal ibn Ishaaq (Rahimahullah):

Smbag san:

So kadadayuan a Muhaddith, so Imaam Bayhaqi (Rahimahullah) na phitaro iyan a da saninsaning iyan gyai a thotol maana Saheeh.

So Hanbal bin Ishaaq na morit ago t’ngd minsan (first cousin) o Imaam Ahmad bin Hanbal (Rahimahullah) ago skaniyan na Thiqah (Kasasarigan sa Hadith) ago Sadooq (tanto a kasasarigan) sa lagid o kiyaaloya ron o mga Muhaddithoon.

Gyangkanan a piyanothol o Hanbal bin Ishaaq (Rahimahullah) a Ta’weel o Imaam Ahmad bin Hanbal (Rahimahullah) na tiyarima o mga ala a Ulama a Hanaabilah lagid o Imaam Ibn 'Aqeel, Qaadi Abu Ya'la, Imaam Az-zaagooni, Haafiz Ibn Jawzi ago so Faqeeh ibn Hamdaan sa da iran pakambokhaga so thotol o Hanbal bin Ishaaq (Rahimahullah) sabap ko kababaloy nyan a kasasarigan sa thotol.

Imanto na ilayn tano so katharo o mga Muhaddithoon mipantag ko Hanbal bin Ishaaq (Rahimahullah)

1. Phitaro o Haafiz Baghdaadi (Rahimahullah):

ﻗﺎﻝ ﺍﻟﺤﺎﻓﻆ ﺍﻟﺒﻐﺪﺍﺩﻱ ﻓﻲ ﺗﺎﺭﻳﺨه ﺣﻨﺒﻞ ﺑﻦ ﺇﺳﺤﺎﻕ ﺑﻦ ﺣﻨﺒﻞ ﺑﻦ ﻫﻼﻝ ﺑﻦ ﺃﺳﺪ ﺃﺑﻮ ﻋﻠﻲ ﺍﻟﺸﻴﺒﺎﻧﻲ ﻭﻛﺎﻥ ﺛﻘﺔ ﺛﺒﺘﺎ

So Hanbal bin Ishaaq na Thiqah (tonganay a kasasarigan) ago Thabt (mabager i memory)

2. Phitaro o Haafiz Daaraqutni (Isa sekaniyan ko pinaka-istrikto a Muhaddith)

ﺍﻟﺪﺍﺭﻗﻄﻨﻲ ﻗﺎﻝ: ﺣﻨﺒﻞ ﺑﻦ ﺇﺳﺤﺎﻕ ﺑﻦ ﺣﻨﺒﻞ ﻛﺎﻥ ﺻﺪﻭﻗﺎ

So Hanbal bin Ishaaq na Sadooq (tanto a kasasarigan)

3. Phitaro o Imaam Dhahabi:

حنبل بن اسحاق الحافظ الثقة...كان يفهم و يحفظ

So Hanbal bin Ishaaq na Hafiz sa Hadith ago Kasasarigan, sasabotn iyan so hadith ago iplangag iyan

(Source: ilaya nyo so Tadhkiratul Huffaz o Imaam Dhahabi ago so Tareekhul Baghdaadi)

Note:

AYA MAANA NIYAN NA SAHEEH SO DI PANOTHOLN O HANBAL BIN ISHAAQ

2. IKADOWA A DAOWA IRAN:

Tharoon tano pen a Thiqah (kasasarigan) ago Sadooq so Hanbal bin Ishaaq (Rahimahullah) ogaid na so hadith na ghareeb ago miyag-infiraad (skaniyan bo) i miyanotholon a miyosar sa ta’weel so Imaam Ahmad bin Hanbal (Rahimahullah)

Smbag:

Tanto ini a malobay a katharo, bapira pira i hadith a isa isa a Muhaddith a miyanotholon na biyaloy a Saheeh o mga Muhaddithoon?

Aya dn a ibarat iyan na so lumalangkap a Hadith o Umar (RadhiyAllaho anho) a phitaro iyan a miyan’g iyan so Rasulollah (sallallaho ‘alayhi wa sallam) a gii nyan tharoon:

انما الاعمال بالنسات

(Innamal a’malo bin niyyat)

THANODAN:

1. Miyakadakdakl a Sahabah o Nabi sallallaho ‘alayhi wa sallam ogaid na aya bo a miyanothol sangkanan a hadith na so Umar (RadhiyAllaho anho)
2. Madakl a morit ago ginawai o Umar (RadhiyAllaho anho) a Tabieen ogaid aya bo a miyakaneg sangkanan ko Umar (RadhiyAllaho anho) na so Alqamah ibn Waqqas al-Laythi
3. Aya bo mambo a miyakaneg ron ko Alqamah ibn Waqqas al-Laythi na so Muhammad bin Ibrahem at-Taymee
4. Go aya bo mambo a miyakaneg ron ko Alqamah ibn Waqqas al-Laythi na so Yahya ibn Sa’eed Al-Ansaari
5. So Yahya ibn Sa’eed Al-Ansaari i miyakalangkap sangkanan a hadith taman sa miyakauma ko mga Muhaddith sa sihaah sittah lagid o Imaam Bukhari ago Muslim. Miyapanothol a aya kadakl a piyanotholan san o Yahya ibn Sa’eed al-Ansaari na miniraot sa nem gatos (600) a Muhaddithoon.

Ilayaniyo ka gyanan a hadith na Ghareeb lagid o thotol o Hanbal bin Ishaaq ko Ta’weel o Imaam Ahmad bin Hanbal. Makinpen ghareeb sekaniyan ogaid  na SAHEEH sabap sa aya mga miyamanotholon na mga kasasarigan a Muhaddithoon.

NOTE:

Aya bo miyamaka-Dha’eef sangkanan a ta’weel o Imaam Ahmad bin Hanbal (Rahimahullah) na so bo so ridoway o Ta’weel. Ogaid na aya pakaiza na adn mangaday a daleel iran sa kaphamaka-dha’eef iran sangkanan a thotol? Pagosaya iran opama ka siran i bnar.

NOTE:

Adn pen a mga ped a daowa iran a salakaw san ogaid  na so den so matao mamimikiran na katawan iran a gyangkoto a mga tao na ba iran bidn pakarrgni a ginawa iran sa khipag-explain iran ko mga daowa iran ogaid na margn matarima sabap aa Saheeh ago Thaabit so Ta’weel o Imaam Ahmad bin Hanbal (Rahimahullah)

WALLAHO A’LAM

So oki okit a kan-Dhikr a phagosaren so kawanan a Lima sii ko kiya-osaya ron o Ameerul Mu'mineen fil Hadith, al-Haafiz Ibn Hajar Asqalaani ash-Shafi'i (Rahimahullah) - (with Pictures)

Pakaiza:

Miyaneg aken a Bid'ah so kaosar sa Pasbi ago ibarat o pagosar naken na so lima aken sa kapanasbik na ba aden a okit okit iyan a salakaw ko kalalayaman o madakel a tao?


Sembag:

1. Aya katawan ami a lumalangkap a mitharo a Bid'ah so kaosar sa Pasbi na si Shaykh Albaani (ikalimo o Allah) a miyawafat isako October 2, 1999


So madakel a Ulama a moonot ko Pat a Madhab sa donya (Hanafi, Maliki, Shafi'i ago Hanaabilah), so Haafiz Ibn Taymiyyah, so Late Grand Mufti sa Saudi Arabia a si Shaykh bin Baz ago so morit iyan a lumalangkap a si Shaykh ibn Uthaymeen na phitaro iran a khapakay (Ja-iz) so kaosar sa Pasbi ogaid na langon siran mambo miyaopakat a mas taralbi so kaosara ko kawanan a lima igira a Phanasbik so Muslim ago gyoto na Sunnah o Nabi Sallallaho 'Alayhi wa sallam

Di ami pagawaan so katharo o miyakadake-dakel a mga Fuqaha ago Muhaddithoon sabap bo ko phamangibago a mga Ulama imanto a omani isa kiran na pag-claim a Mujtahid kon ago miyarampay nyan kon so daradat o Pat a Imaam sa donya sa kapagilmo

"Ikalimo o Allah so 'Aalem a katawan iyan so tamana o ilmo iyan na di nyan phangpedan so ilmo a da nyan kapangadi-i"


2. So peman so okit okit o Kan-Dhikr a phagosaren so lima, gyoto so phembetowan o mga Ulama sa Uqoodul-Hisaab (عقود الحساب) na aden a ikhtilaaf ron o mga Ulama ko okit okit iyan sa lagid mambo o sambayang a mbida bida so kepit ron o mga Ulama tano

Mapiya ini a katokawan o mga Muslim sabap sa isako okit okit a miya-aloy a hadith a ka-tashahhod odi na katahayat o Nabi Sallallaho 'Alayhi wa sallam na di nyan di mbaloyn so lima nyan a "53" (Thalatha wa Khamsoon)

Phitaro o Abdullah bin Umar (RadhiAllaho 'anho)

 أن رسول الله صلى الله عليه وسلم كان إذا جلس في الصلاة وضع يده اليمنى على ركبتيه اليمنى وعقد ثلاثة وخمسين وأشار بالسبابة أخرجه مسلم فى صحيحه

Mataan a so Rasulollah Sallallaho 'Alayhi wa sallam na igira a phagontod sa sambayang na ipembetad iyan so kawanan a lima nyan ko kawanan a leb iyan (Rukbatuhol Yumna) na di nyan di mbaloyn so lima nyan a Limapolo ago Telo (53) na iphetoro iyan so tindoro iyan

(Saheeh Muslim)

So Imaam al-Haafiz ibn Hajar al-Asqalaani ash-Shafi'i (Rahimahullah) na inaloy nyan so maana o limapolo ago tele (53) sii ko kitab iyan a kadadayoan a bebethowan sa Talkheesul Habeer

صورتها أن يجعل الإبهام معترضة تحت المسبحة ، والثالثة قبض كل الأصابع والإشارة بالسبابة

Katii so picture iyan:

Note:

Katii so Pictures o okit okit a kambilang sa Dhikr sii ko kiya-osaya ron o Hafiz Ibn Hajar Asqalaani ash-Shafi'i ko kitab iyan a Talkheesul Habeer

Opama ka so bo so kawanan a Lima ka i osaren ka na taman bo sa magatos (100) i khabilang ka ogaid na o osaren ka so diyawang a lima na taman sa siyaw nggibo ago siyaw gatos ago siyaw polo ago siyaw (9,999) a khabilang ka langon




Telo a phaganaden ka sii:

1. Paganay na so kabilang sa Isa taman sa Siyaw (1-9)


2. Ikadowa na so kabilang sa kanggapolo (10 taman sa 90)


3. Ikatelo na so kambilang sa kanggatos ago kanggibo (phoon sa 100 taman sa 9,999)

Ones (From 1-9)

Aya bo Pheka-alin na so Telo Kemer (Tingting, Diramanis ago so Lumalabao)

One

Two

Three

Four

Five

Six

Seven

Eight

Nine

Note: 

Igira Phembilang ka sa 11, 12, 13 taman sa 19 ago 21, 22 taman sa 29 ago so lagid anan a Numbers na kasoy angka gyanan a 1,2,3,4,5, 6, 7, 8, 9

Tens (From 10 - 90)

Aya bo pheka-alin na so Tindoro ago so Ama a Lima

Ten

Twenty

Thirty

Forty

Fifty

Sixty

Seventy

Eighty

 Ninety

Para ko Hundreds (100-9,999)

Osar angka so diyawang ka a lima na aya ka pakambilanga

Aya 100 na kidi-i neka so One ko Diyawang ka, lagid iyan na so 200 na sowa angka so Two ko diyawang ka taman sa 900

So 1,000 taman sa 9,000 na lagid o 10, 20, 30.... Taman sa 90 ogaid na sii nga biden kidiin ko diyawang ka

Aya langon a khabilang ka o osaren ka so kawanan ago diyawang na 9,999 (or 10,000)




Note:

Aden a sabaad ko mga Ulama na aya 50 iran na so 40 a miya-aloy sa poro lagid gya-i sa picture:

Sabap roo na aya 53 iran ko miya-aloy ko hadith a tahayat o Nabi Sallallaho 'alayhi wa Sallam na lagidai sa bontal:

Ogaid na aya kepit ami na so 53 a miya-aloy sa Poro

Katii so Ibaarah o Katharo o Hafiz Ibn Hajar Asqalaani ) Rahimahullah):

:قال الحافظ ( رحمه الله تعالى) في التلخيص :

( واعلم أن قوله في حديث ابن عمر وعقد ثلاثاً وخمسين إشارة إلى طريقة معروفة تواطأت عليها العرب في عقود الحساب وهي أنواع من الآحاد والعشرات والمئين والألوف :

أما الآحاد : فللواحد عقد الخنصر إلى أقرب مايليه من باطن الكف .

وللاثنين : عقد البنصر معها كذلك .

وللثلاثة : عقد الوسطي معها كذلك .

وللاربعة : حل الخنصر معها كذلك .

وللخمسة : حل البنصر معها دون الوسطي .

وللستة : عقد البنصر وحل جميع الأنامل .

وللسبعة : بسطا الخنصر إلى أصل الإبهام مما يلي الكف .

وللثمانية : بسط البنصر فوقها كذلك .

وللتسعة : بسط الوسطي فوقها كذلك .

وأما العشرات : فلها الإبهام والسبابة .

فللعشرة الأولى : عقد رأس الإبهام ، على طرف السبابة .

وللعشرين : إدخال الإبهام بين السبابة والوسطي .

وللثلاثين : عقد رأس السبابة على رأس الابهام عكس العشرة .

وللاربعين : تركيب الابهام على العقد الأوسط من السبابة وعطف الابهام إلى أصلها .

وللخمسين : عطف الابهام على أصلها .

وللستين : تركيب السبابة على ظهر الابهام عكس الأربعين .

وللسبعين : إلقاء رأس الابهام على العقد الأوسط من السبابة ورد طرف السبابة إلى الابهام .

وللثمانين : رد طرف السبابة إلى أصلها وبسط الابهام على جنب السبابة من ناحية الابهام .

وللتسعين : عطف السبابة إلى أصل الابهام وضمها بالابهام .

وأما المئين : فكالآحاد إلى تسع مائة في اليد اليسرى .

والألوف : كالعشرات في اليسرى ) أ.هـ

WAllaho a'lam bis sawaab

So kasanda sa Lupa a kalalayaman sa Pilipinas na iphekararangit o Allah ago Riba

Pakaiza:


Inisanda aken so Lupa aken sa Magatos nggibo (P100,000) na phitaro aken ko siyandaan a so pheka-ragon gyoto a Lupa na rek iyan den taman sa di ako makabayad. Aya phekaragon gyoto a lupa na sapolo nggibo (P10,000) oman Telo Olan. Khapakay anan?


Sembag:


Bismillahir Rahmaanir Raheem was salaatu was salaamo 'ala Rasulihil Kareem


So mga tao na sabap ko da iran paganada so Agama iran na di siran ding galebek sa piyamaka- kaleklek a dosa na di iran pen katawan

Phesambian iran sa ngaran so Riba na pipikiren iran a kasambian sa ngaran na mimbaloy a Halaal

Aya bo a rekami na katokawan o mga Muslim antonay Haraam odi na Halaal. Isa ko di ka-khatarima o Dowa-a na kagiya aya sosoloten o tao na Haraam, odi na aya pheken ago phaginem nyan na Haraam


Thanodan:


Aya paka-asal anan na miyotang ka sa Magatos nggibo (P100,000) na inibegay ka a RaHn (Sanda) so Lupa a ka

Aya kokoman o RaHn (Sanda) sa Islaam na rek parin oto o miyotang, da mabaloy oba rek o inotangan ago mimbaloy oto a matag AMANAT rekaniyan


Sa aya maana nyan na opama ka oman makaragon so lupa sa P10,000 na ibegayng ka sangkoto a syandaan (odi na inotangan ka) a kenaba peman bayad ko P100,000 na Dowa a mapembaloy a kokoman iyan:


1. Opama ka sii ko ka-shanda aka (odi na sii ko kapagotang ka sa P100,000) na inaloy nyo a so phekaragon o Lupa a ini-sanda aka na rek den o inutangan ka (odi na siyandaan ka). Opama Piyagayunan iyo anan sii den ko transaction iyo na aya kokoman iyan na:

Miyaopakat so mga Ulama sa Donya a ped ko mga Hanafiyyah, Maalikiyyah, Shafi'iiyah ago Hanaabilah a Gyanan na RIBA

Go miya-aloy ko Hadith a Mash-hoor

كل قرض جر نفعا فهو ربا


2. Opama ka da niyo anan pagayuni ka aya bo a pimbityara-an iyo na ini-sanda aka so lupa aka sa Magatos nggibo (P100,000) - dangka aloya a rek iyan so phekaragon o sanda

Oriyan iyan na oman maka-ragon so lupa na ibegay kaon so miyaragon ka

Odi na phitaro o kaon a phagosara ka den so phekakowa sangkanan a Lupa


Na katii so kokoman ron o mga Ulama:


     1. So sabaad ko mga Muta'akhkhireen ko mga Hanafiyyah na piyakay iran anan asar ka kenaba anan 'urf (kalalayaman ko mga tao). Opama ka kalalayaman o mga tao na Haraam pen

     (Raddul Muhtaar 'ala ad-durril mukhtaar - Ibn 'Aabideen)

     Note: Sii sa Pilipinas na kalalayaman kiran anan

    2. So mga Maalikiyyah na Haraam kiran anan

    (Balaghatus Saalik 'ala sharhees sagheer)

    3. So mga Hanaabilah na Haraam kiran

     (Al-Mughni li ibn Qudaamah)

    4. Sekami a mga Shafi'iyyah na Haraam pen

ليس للمرتهن فى المرهون الا حق الاستيثاق فيمنع من كل تصرف او انتفاع بالعين المرهونة

    (Rawdatut Taalibeen)


Note:

Opamaka aya bitiyara iyo na inisanda aka so Lupa sa magatos nggibo na roo bo miyataman so piyagayunan iyo. Oriyan iyan na so siyandaan sa Lupa na phekowa-an iyan so miyaragon odi na di ron gii meragon na katii so kokomaniyan

1. Opama ka katawan anan o miyananda (odi na miyotang sa Magatos nggibo). Maka-aayun sekaniyan sabap sa gyanan i kalalayaman ko inged na Haraam ko langon a Madhab

كل قرض جر نفعا فهو ربا

2. Opama ka di katawan o miyananda (odi na katawan iyan ogaid na di makaririla) na miyaopakat so mga Ulama ko pat a madhab sa donya a kababaloy nyan a Haraam ago miyaped ko kang-ga ghasab sa tamok

( كُلُّ الْمُسْلِمِ عَلَى الْمُسْلِمِ حَرَامٌ : دَمُهُ وَمَالُهُ وَعِرْضُهُ )

رواه مسلم


Phitaro o Nabi Sallallaho 'Alayhi wa sallam:

1. Aya pinaka-maito a dosa ko kap-riba sa salad bo a dirham na sobra pen so dosa nyan oba so tao a miyaka-telo polo ago telo makan-zina

 عن النبي صلى الله عليه وسلم : (دِرْهَمٌ رِبًا يَأْكُلُهُ الرَّجُلُ وَهُوَ يَعْلَمُ أَشَدُّ مِنْ سِتَّةٍ وَثَلَاثِينَ زَنْيَةً) رواه أحمد (21450) وقال المنذري والهيثمي : رجاله رجال الصحيح

2. Sii ko isa a riwayat na lagid o Mama a pin-zinaan iyan si Ina iyan (Fal'iyaadho billah)


 (الرِّبَا سَبْعُونَ حُوبًا أَيْسَرُهَا أَنْ يَنْكِحَ الرَّجُلُ أُمَّهُ) رواه ابن ماجه (2274) وصححه الألباني في صحيح ابن ماجه ، وقال المنذري : إسناده صحيح أو حسن أو ما قاربهما .


Note:

Gyangkai a sembag na para bo sangkoto a exact a paka-iza sa poro

Opama ka aden a pakaiza ko ka-sanda a mbida siran sangkanan a miya-aloy a paka-iza na iiza tano ko mga Ulama tano a migegepa nyan so Masa-il ko RaHn (Ka-sanda)



WAllaho a'lam bis sawaab

Kokoman ko Salaatut Tasbeeh

Pakaiza:


Aden a Ustadh sii sa Pilipinas na phitaro iran na Bid'ah so Salaatut Tasbeeh wa kollo Bid'atin Dalaalah. Phitaro iran a katharo kon anan o mala a Mufti sa Saudi lagid i Shaykh Ibn Uthaymeen ago si Saykhul Islaam Ibn Taymiyyah na phitaro iyan ko Majmo'ol Fatwa na Kabokhagan kon anan ago kiyokom anan a Fatawa Lajnatud Daa-imah sa Saudi a Bid'ah

Antonaa-i maphetaro iyo ron?



Sembag:

Bismillahir Rahmaanir Raheem was Salaato was Salaamo 'ala Rasulihil Kareem wa 'ala aalihi wa ashaabihi wa man tabi'ahom bi ihsaanin ilaa yawmed deen


Aya kepit o Kadakelan a Ulama a ped ko mga Muhadditheen ago Fuqaha gyangkai a Ummat o Nabi Sallallaho 'Alayhi wa sallam na Sunnah odi na Mustahabb so Salaatut Tasbeeh ago tanto a mala a balas a khaparoli o phe-sambayangon

Katii so Hadith iyan ago so Okit Okit a ka-Shambayangi ron:


ﻋﻦ ﺍﺑﻦ ﻋﺒﺎﺱ ﺭﺿﻲ ﺍﻟﻠﻪ ﻋﻨﻬﻤﺎ ﺃﻥ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻗﺎﻝ ﻟﻠﻌﺒﺎﺱ: "ﻳﺎ ﻋﻤﺎﻩ ﺃﻻ ﺃﻋﻄﻴﻚ؟ ﺃﻻ ﺃﻣﻨﺤﻚ؟ ﺃﻻ ﺃﺣﺒﻮﻙ؟ ﺃﻻ ﺃﻓﻌﻞ ﺑﻚ ﻋﺸﺮ ﺧﺼﺎﻝ ﺇﺫﺍ ﺃﻧﺖ ﻓﻌﻠﺖ ﺫﻟﻚ ﻏﻔﺮ ﺍﻟﻠﻪ ﻟﻚ ﺫﻧﺒﻚ ﺃﻭﻟﻪ ﻭﺁﺧﺮﻩ ﻭﻗﺪﻳﻤﻪ ﻭﺣﺪﻳﺜﻪ ﻭﺧﻄﺄﻩ ﻭﻋﻤﺪﻩ، ﻭﺻﻐﻴﺮﻩ ﻭﻛﺒﻴﺮﻩ، ﻭﺳﺮﻩ ﻭﻋﻼﻧﻴﺘﻪ، ﻋﺸﺮ ﺧﺼﺎﻝ، ﺃﻥ ﺗﺼﻠﻲ ﺃﺭﺑﻊ ﺭﻛﻌﺎﺕ ﺗﻘﺮﺃ ﻓﻲ ﻛﻞ ﺭﻛﻌﺔ ﻓﺎﺗﺤﺔ ﺍﻟﻜﺘﺎﺏ ﻭﺳﻮﺭﺓ، ﻓﺈﻥ ﻓﺮﻏﺖ ﻣﻦ ﺍﻟﻘﺮﺁﻥ ﻗﻠﺖ: ﺳﺒﺤﺎﻥ ﺍﻟﻠﻪ ﻭﺍﻟﺤﻤﺪ ﻟﻠﻪ ﻭﻻ ﺇﻟﻪ ﺇﻻ ﺍﻟﻠﻪ ﻭﺍﻟﻠﻪ ﺃﻛﺒﺮ ﺧﻤﺲ ﻋﺸﺮﺓ ﻣﺮﺓ، ﺛﻢ ﺗﺮﻛﻊ ﻓﺘﻘﻮﻟﻬﺎ ﻭﺃﻧﺖ ﺭﺍﻛﻊ ﻋﺸﺮﺍ ، ﺛﻢ ﺗﺮﻓﻊ ﺭﺃﺳﻚ ﻣﻦ ﺍﻟﺮﻛﻮﻉ ﻓﺘﻘﻮﻟﻬﺎ ﻋﺸﺮﺍ، ﺛﻢ ﺗﻬﻮﻱ ﺳﺎﺟﺪﺍ ﻓﺘﻘﻮﻟﻬﺎ ﻭﺃﻧﺖ ﺳﺎﺟﺪ ﻋﺸﺮﺍ، ﺛﻢ ﺗﺮﻓﻊ ﺭﺃﺳﻚ ﻣﻦ ﺍﻟﺴﺠﻮﺩ ﻓﺘﻘﻮﻟﻬﺎ ﻋﺸﺮﺍ، ﺛﻢ ﺗﺴﺠﺪ ﻓﺘﻘﻮﻟﻬﺎ ﻋﺸﺮﺍ، ﺛﻢ ﺗﺮﻓﻊ ﺭﺃﺳﻚ ﻓﺘﻘﻮﻟﻬﺎ ﻋﺸﺮﺍ. ﻓﺬﻟﻚ ﺧﻤﺲ ﻭﺳﺒﻌﻮﻥ ﻓﻲ ﻛﻞ ﺭﻛﻌﺔ، ﺗﻔﻌﻞ ﺫﻟﻚ ﻓﻲ ﺍﻷﺭﺑﻊ ﺭﻛﻌﺎﺕ. ﺇﻥ ﺍﺳﺘﻄﻌﺖ ﺃﻥ ﺗﺼﻠﻴﻬﺎ ﻓﻲ ﻛﻞ ﻳﻮﻡ ﻣﺮﺓ ﻓﺎﻓﻌﻞ، ﻓﺈﻥ ﻟﻢ ﺗﻔﻌﻞ ﻓﻔﻲ ﻛﻞ ﺟﻤﻌﺔ ﻣﺮﺓ، ﻓﺈﻥ ﻟﻢ ﺗﻔﻌﻞ ﻓﻔﻲ ﻛﻞ ﺷﻬﺮ ﻣﺮﺓ، ﻓﺈﻥ ﻟﻢ ﺗﻔﻌﻞ ﻓﻔﻲ ﻛﻞ ﺳﻨﺔ ﻣﺮﺓ، ﻓﺈﻥ ﻟﻢ ﺗﻔﻌﻞ ﻓﻔﻲ ﻋﻤﺮﻙ ﻣﺮﺓ
  
Miyapoon ko Abdullah bin Abbas (RadhiyAllaho anho) a mataan a so Rasulollah (Sallallaho 'Alayhi wa sallam) na pitharo iyan ko (Bapa iyan a so) Al-Abbas Bin Abdil Muttalib:

Hay Bapa Aken, bako reka mbegan so sapolo a mapiya a o manggalebek ka na ipe-rila rka o Allah so dosangka a miyaona ago miyaori, goso dosangka andang ago bago, go so dosangka a pimbaba ago so
da mbaba-a, goso dosangka a maito ago mala,
go so dosangka a mapayag ago masolen, na giyanan a sapolo a mapiya (na aya okit kakha-paroli angka san) na so kapesambayang ka sa pat raka-at (a salaatut -tasbeeh. Opama ka. khagagangka mamayandeg sii ko oman gawii na galebek angka, na
odi nga khagaga na apiya sii ko oman Jumu'ah na makaisa, na odi nga khagaga ko oman Jamu'ah na apiya sii ko oman saolan, na odingka khagaga na apiya sii ko oman saragon, na odi nga pn anan khagaga na apiya makaisaisa sii ko tnday a omor ka.



(Saheeh Ibn Khuzaymah, Sunan Abu Dawood, Sunan Ibn Maajah, Haakim)


Piyaka-saheeh anan a miyakadake-dakel a miyangaoona a Muhaddith sa bapiya pen so Shaykh o mga Salafi a si Shaykh Albaani na Phitaro iyan a gyanan a Hadith na Saheeh li Ghayrihi


Katii so mga Imaam ago Hafiz sa Hadith a pitharo iran a Saheeh odi na Hasan gyanan a Hadith

1. Sii ko mga Salafus Saaleh na so Ameerul Mo'mineen fil Hadith, Imaam Abdullah bin Mubaarak (Taabi Taabien) ago so mga Morit iyan a mga Muhaddithoon ago mga Fuqaha

2. Imaam Muslim

3. Imaam Nasa-i

4. Imaam Yahya bin Ma'een

5. Imaam Abu Dawood

6. Imaam Suyuti

7. Imaam Ibn al-Madeeni (Ustadh o Imaam Bukhaari)

8. Imaam Daaraqutni

9. Imaam Ibn Mandah

10. Imaam Ibn Salaah

11. Imaam Subki

12. Imaam Daylami

13. Imaam Ibn Hibban

14. Imaam Zarkashi

15. Imaam Mundhiri

16. Haafiz Al-Aajeri

17. Hafiz Abu Abdur Rahman al-Basri

18. Hafiz Abul Hasan al-Maqdisi

19. Imaam Salahud Deen al-Alaai

20. Haafiz Siraajud Deen al-Bolqeeni

21. Imaam Khateeb al-Baghdaadi

22. Hafiz Abu Sa'eed as-Sam'aani

23. Hafiz Abu Musa al-Madeeni

24. Haafiz Abul Hasan bin al-Mufadhdhal

25. 'Allamah Nimawi (Atharus Sunan)

26. 'Allamah al-Mubaarakfuri (Tuhfatul Ahwadhi Shar Tirmidhi)

27. Mullah Ali al-Qaari

28. Imaam Haakim al-Neesaburi

29. 'Allamah Ibn Naaserud Deen ad-Dimishqiy

30. 'Allamah Abdul Kareem as-Sam'ani

31. Haafiz Abu Musa al-Asbahaani

32. 'Allamah Shamsud Deen Muhammad Toolon

33. Shaykh Muhammad bin Abdi Rasulil Birr al-Janzi

34. Shaykh Ahmad As-Siddique al-Ghumaari

35. Shaykh Saqqaaf

36. Shaykh Jaasim al-Faahed ad-Dawsi

37. Imaam Shaami al-Hanafi

38. Imaam Abdul Hayy Lucknawi

39. Imaam Ibn Haajar al-Haytami

40. Imaam Raafe'i al-Shafi'i

41. Imaam al-Baghawi

42. Allamah Juwayni

43. Allamah Abu Haamid

44. Allamah al-Muhaamilee

45. Imaamul Haramayn

46. Qaadi Husayn

47. Allamah al-Matulee

48. Allamah Zaaher bin Ahmad ar-Radee

49. Shaykh Sayyid Saabiq

50. Imaam Nawawi (Tadhheebul Asmaa-i was Sifaat)

51. Shaykhul Islaam Ibn Haajar As-qalaani (al-Khisaalul Mufakkirah wa 'amalil adhkaar)

52. Shaykh Naaserud Deen al- Albaani (Salafi)



(Ilayangka so Kitan a Atharus Sunan o 'Allamah Nimawi, Tuhfatul Ahwadhi Sharh Tirmidhi o 'Allamah Mubaarakfuri, 'Awnul Ma'bood, Rawdhatut Taalibeen o Imaam Nawawi ago so mga Kitaab o mga Shaykh a inaloy aken sii)


Phitaro o Imaam Zarkashi:

Miyaribat so Ibnul Jawzi ko kinibetad nyan ko hadith sa salaatut Tasbeeh ko mga Mawdho' sabap sa gyanan na Saheeh odi na Hasan

Phitaro aken:

Katan so da a takar iyan a mga Ulama ago Muhaddith a phitaro iran a Saheeh so Hadith na sabap roo na daden a sangkaan a atay a kababaloy o Salaatut Tasbeeh a Mustahabb

Batagolabao ron a kepit pen anan o mga Salafus Saaleh lagid o Imaam Abdullah bin Mubaarak (Rahimahullah) ago so mga Morit iyan a mga Muhaddithoon ago Fuqaha


WAllaho a'lam bis Sawaab

So Kokoman ko ka-Qunot sa Sobh

Pakaiza:


Ba Bid'ah so ka-Qunot sa Sobh sabap sa aden a Hadith a Phitaro o Sahabah Taariq bin 'Aasem RadhiAllaho 'anho a Muhdath so qunot sa soboh ago katawan tano a Kollo Muhdathatin Bid'ah wa kollo bid'atin Dalaalah



Sembag:

Bismillahir Rahmaanir Raheem was Salaato was Salaamo 'ala Rasulihil Kareem wa 'ala aalihi wa ashaabihi wa man tabi'ahom bi ihsaanin ilaa yawmed deen


Aya katharo o Nabi Sallallaho 'Alayhi wa sallam:

رب حامل فقه ليس بفقيه

Maana: Madakel a maawid sa Fiqh (lagid o mga Muhaddithoon) na kenaba Faqeeh


Sisan so Qur'an ago so Hadith ogaid mbida bida so mga tao sa daradat ko sabot ko Qur'an ago Hadith

Kenaba langon o Tao na Mujtahid odi na miniraot sa daradat a Ijtihad

Thanodan tano pen ka Pat (4) a phekowaan tano sa kokoman ko Agama ago kiya-opakatan aya o mga Ulama sa Ahlus Sunnah Wal Jama'ah

1. Qur'an
2. Hadith
3. Ijma'
4. Qiyas


Omani Imaam ko Madhab na aden a usol iran ko kapetharima-a iran ko Hadith bapiya pen miyakapoon ko sanad a Saheeh ago mbidabida so sabot iranon.

Aden a Hadith a Saheeh ko isa a Imaam na Dha'eef ko isa a Imaam ago miyaka-dakedakel anan

Kenaba kagiya so isa a Sahabah na phitaro iyan a bid'ah so isa a galebek na mimbaloy den mambo a bid'ah a Haraam oba nggalebeka


So mga Sahabah mismo na aden a ikhtilaaf iran ko madakel ko mga Mas-alah ko Agama


Aya ibarat anan na so Abdullah bin 'Umar (RadhiAllaho 'anho) na phelebaden iyan a maito a ator so gii Shambayang a di nyan iphoro so mbala a Lima nyan igira a phe-ruko ago igira a phoon sa Ruko sabap sa kapipikira nyanon na Bid'ah odi na kenaba sunnah gyoto a galebek ka da nyan Mailay so Nabi Sallallaho 'Alayhi wa sallam oba nyan oto ping-galebek ogaid na so Ama iyan a 'Umar (RadhiAllaho anho) na miyapanothol ko sanad a Saheeh a di nyan iphoro so mbala a Lima nyan sa Ruko ago oriyan o Ruko ka sii nyan bo ipheporo sa takberatul owla.

Lagid iyan na Abdullah bin Mas'ood ago so mga Morit iyan ago so 'Ali (RadhiAllaho 'anho) ago so mga Morit ago Sundaro nyan sa Kufah ko sekaniyan e Khaleefah na di iran iphoro so Mbala a lima iran inonta sa sii bo sa Takbeer Tahreema. Phitaro o Abdullah bin Mas'ood a gyoto so Sambayang o Nabi Sallallaho 'Alayhi wa sallam.

Go gyanan i phi-kepit o mga Salafus Saaleh a ped ko mga Taabien ago Taabi Taabien sa Kufah sa gyanan mambo e kepit o Hanafi ago so Kadakelan ko mga Maaliki

Miyaka-dake dakel a Mas-alah ko Agama a aden a Ikhtilaaf ron o mga Sahabah sabap sa aden a miyailay o isa a sahabah a pinggalebek o Nabi Sallallaho 'Alayhi wa sallam a da mailay o salakaw a sahabah.

Aya makalelebi ko mga Muslim batagolabao ron so miyamakapangadi na di iran phepakaito-a so Madhab o salakaw ago di boden miyaka-lebo lebod a kaphe-kokoma tano iranon sa bid'ah sabap bo sa aden a mhitaroon a isa a Sahabah sa bid'ah. Miyaka-dakedakel so Sahabah o Nabi Sallallaho 'Alayhi wa sallam

Khapakay a Tharoon ka a para raken na Bid'ah gyoto a galebek ago aden a daleel akenon, so mambo so salakaw raken na aya kepit iyan na Mustahabb odi na Sunnah ago aden mambo a daleel iyan ago so Allah i lebi a matao ko benar.


Mipantag ko pakaiza:

Aya kepit o sabaad ko mga Salafus Saaleh lagid o Imaam Abu Haneefah ago so Imaam Ahmad bin Hanbal (Rahimahumallah) ago so miyamangonot kiran na kenaba Sunnah so ka-Qunot sa Soboh inonta bo sa aden a Naazilah (Morala) a miyanggolaola ko inged

Ogaid na thanodan ka so Imaam Ahmad bin Hanbal (Rahimahullah) na phitaro iyan a igira a aden a miyag-Qunot sa Soboh na onot ron den so mga Ma'moom sa ka-qunot, kiya-ayonan sekaniyan san o Imaam o mga Salafi a si Ibn Taymiyyah (ghafarAllaho laho wa lanaa)


So peman يج sabaad ko mga Salafus Saaleh lagid o Imaam Maalik ago so Imaam Shafi'i (Rahimahumallah) na phitaro iran a Sunnah so ka-qunot sa Soboh oman gawii ogaid na aden a mbidaan iran.

1. So Imaam Maalik na aya kepit iyan na aya sunnah na sii qunot ko dapen so Ruko oriyan o Sakeb ko Fatihah ago mainay so Qunot o Imaam ko Sambayang,

2. So peman so Imaam Shafi' na aya kepit iyan na so Qunot na oriyan o Ruko ago phiki-neg o Imaam so Qunot para pheka- Ameen o mga Ma'moom


Aya bo a kiyapelagidan iran na gyoto a kababaloy o Qunot sa Soboh a Sunnah odi na Mashro'


Aden peman ko mga Salafus Saaleh lagid o Ameerul Mu'mineen fil Hadith Imaam Sufyan ath-Thawri (Rahimahullah), Imaam o Ahlus Sunnah wal Jama'ah a ped ko mga Taabi Taabien, na aya kepit iyan na di sekaniyan Qunot ogaid na saden sa Qumonot sa Soboh na Mapiya go saden sa di Qumonot na Mapiya

قال سفيان الثوري إن قنت في الفجر فحسن وإن لم يقنت فحسن

(Sunan Tirmidhi)


Sabap sa aya Original tano a Madhab tano sa Pilipinas na Shafi'iyyah na aya phagosayn aken na so kababaloy a Qunot a Mashro' odi na Sunnah


Phitaro o Imaam al-Haazimi (584 AH) na phitaro iyan ko Kitab iyan al-i'tibaar fi bayaan al-Naasikh wal Mansookh:

So ka-qunot sa Soboh na kepit o Madakel ko mga (Salafus Saaleh) Sahabah ago Taabien

So mga Sahabah na gyanan e kepit o 'Ammar bin Yaasir, Ubay bin Ka'b, Abu Musa al-Ash'ari, Abdur Rahmaan a wata a mama o Abu Bakr as-Siddique, ago miyapanothol a kepit o Abdullah bin 'Abbas, Abu Hurayrah, Al-Baraa bin Al-'Aazeb, Anas bin Maalik, Abu Haleemah Mu'adh bin Al-Haareth al-Ansaari, Kafaaf bin Eema bin Rahdhah, Ahbaan bin Sayfi, Sahl bin Sa'd as-Saa'idiy, Urfujah bin Shurayh, Mu'aawiyah bin Abi Sufyaan go so 'Aishah as-Siddiqah (RadhiAllaho 'anhom)

So mga Mukhadramoon na gya-i Kepit o Abu Raja' al-Ataaradiy, Suwayd bin Ghaflah, Abu 'Uthmaan Al-Nahdiy go so Abu Raa-fi'i (Rahimahomullah)

So mga Salafus Saaleh a ped ko mga Taabien na gyanan i kepit o Sayyidut Taabien (Olowan o mga Taabien) Imaam Sa'eed bin Al-Musayyib, Imaam Al-Hasan al-Basri, Imaam Muhammad bin Sirreen, Imaam Abaan 'Uthmaan, Imaam Qatadah, Imaam Tawos, Imaam 'Ubayd bin 'Umayr, Imaam ar-Rabee' bin Khuthaym, Imaam Ayyoob as-Shaktiyaani, Imaam 'Ubaydah as-Salmaani, Imaam 'Urwah bin Zubayr (Pakiwataan o 'Aaisha RadhiAllaho 'anha), Imaam Ziyaad bin 'Uthmaan, Imaam AbdurRahmaan bin Abi Layla, Ameerul Mu'mineen (Khaleefah) Umar bin 'Abdul 'Azeez ago so Imaam Humayd at-Taweel (Rahimahumollah)


So mga Salafus Saaleh ko mga Taabi-Taabien na gyanan i kepit o Imaam Abu Ishaaq, Imaam Abu Bakr bin Muhammad, Imaam al-Hakam bin 'Utbah, Imaam Hammad, Imaam Maalik (Imaamu Daaril Hijrah) go so mga Ulama sa Hijaaz, Imaam Al-'Awzai go so kadakelan ko mga Ulama sa Shaam go gyanan i Kepit o Naaserul Hadith Imaam ash-Shafi'i (Rahimahumollah)



Phitaro o Imaam Nawawi (Rahimahullah):

قال النووي في شرح المهذب: القنوت في الصبح مذهبنا وبه قال أكثر السلف ومن بعدهم أو كثير منهم

So ka-Qunot sa Sobh na kepit ami ago kepit o pinaka-madakel ko mga Salafus Saaleh go so miyamaka-tondog kiran odi na so kadakelan kiran



Phitaro aken:

Lagidai a kadakel a Salafus Saaleh na pakapenggalebek neka sa Bid'ah a Marata?



Katii so sabaad ko mga Daleel sa Hadith:


1. So Hadith o Anas (RadhiAllaho 'anho):

 عن أنس بن مالك قال ما زال رسول الله صل الله عليه و سلم يقنت فى الفجر حتى فارق الدنيا

Miyakapoon ko Anas bin Maalik a phitaro iyan a Diden mararampet so kaphe-qunot o Rasulollah Sallallaho 'Alayhi wa sallam sa Fajr (Soboh) taman ko kiyawafat iyan

(Sunan Daaraqutni, Ahmad, Sunan al-Bayhaqi ago Mustadrak al-Haakim go so Sanad iyan na Saheeh)

Phitaro o Imaam Nawawi ko Sharhul Muhadhdhab al- Majmo':

حديث صحيح رواه جماعة من الحفاظ و صححوه

(Gyanan na Saheeh a Hadith a piyanothol o grupo o mga Huffaz ago phitaro iran na Saheeh)


Note:

Aden a mga Ulama a piyaka-Dha'eef iran gyai a Hadith sabap sa aya paratiyaya iran na Dha'eef so isa ko miyanothol ron maana so Abu Ja'far Ar-Raazi

Aya sembag ami san na miyaka-dakedakel so mga Ulama a phitaro iran a Thiqah odi na Saalehul Hadith so Abu Ja'far ar-Raazi

Sa Katii siran:

1. Imaam Ahmad bin Hanbal sii ko Riwayat o Hanbal (Pakiwataan iyan)
2. Imaam Ibnul Madeeni sii ko riwayat o Muhammad bin Uthmaan bin Abi Shaybah
3. Imaam Yahya bin Maeen
4. Imaam Ibn Ammar al-Mawsili
5. Imaam Abu Haatim ar-Raazi
6. Imaam Ibn 'Adi
7. Imaam Ibn Sa'd
8. Imaam Al-Haakim Naysaboori
9. Imaam Ibn Abdil Barr
10. Imaam Shu'bah na kominowa sa Hadith ko Abu Ja'far ar-Raazi ago di sekaniyan pag-narrate inonta sa Thiqah (Qawaid Ulom al-Hadith by Shaykh Zafar Uthmaani)
11. Imaam Ibn Khuzaymah (311) - Sabap sa inibetad iyan so dowa a Hadith o Abu Ja'far ko saheeh nyan
12. Imaam Ibn Shaheen (385) - Phitaro iyan a Saaleh (Taarekhu asmais sifaat)
13. Imaam Daaraqutni (385) -
14. Imaam Abu Abdullah al-Qurtobi (671) - Tafsir iyan ko (Surah Ali Imraan verse 128-129) na phitaro iyan a saheeh so Hadith o Razi ko Qunot ko Fajr)
15. Imaam Abul Abbas al-Qurtobi (656) - (Ibn Mulaqqin sii ko kitab iyan a Badrul Muneer)


Go Phitaro o Al-Hafiz Waliud Deen al-Iraaqi (Tarheelut Tathreeb) na piyaka-Thiqah gya-i a mga Imaam so Abu Ja'far al-Raazi

16. Imaam Abu Abdullah al-Bajali
17. Imaam Abu Abdullah al-Haakim
18. Imaam Al-Bayhaqi
19. Imaam Nawawi (Sharhul Muhadhdhab)
20. Imaam Abu Bakr al-Haazimi (584) - (al-i'tibaar fi bayaan al- Naasikh wal Mansookh)
21. Imaam Ibn Mulaqqeen (Badrul Muneer)
22. Hafiz Ibn Hajar Asqalaani - Hasan ko (kitaab iyan a Nata-ijul Afkaar)

23. Al-Haafiz Diya al-Maqdesi al-Hanbali (643) na di manothol sa Hadith phoon ko Abu Ja'far ar- Razi ko kitab iyan a al-Mukhtaarah - ipendaleel iyan sa khapakay a odi Thiqah rekaniyan so Razi na Sadooq

24. Imaam Muhammad Ibn Yusuf al-Saalehi (Subul Huda war Rashaad) - Phitaro iyan a Sadooqul Hifdh


25. Haafiz Nurud Deen Haythami (807) - Majmauz zawaaid - Thiqah

26. Phitaro o Imaam Dhahabi - Saalihul Hadith (Meezanul I'tidaal), Sadooq - al-Mughni fi du'afah

27. Al-Haafiz Ahmad al-Busayri (840) - Thiqah (Ithaaful Khiyarah)

28. Al-Hafiz Sibt ibn al-Ajami (Burhaanud Deen al Halabi) (841) - Saalehul Hadith. (Al-Ightibaat)


29. Dr. Abdul Azeez bin Saaleh al-Luhaydaan (Imaam Muhammad Sa'ud University in Riyaadh) - Sadooq laa ba'sa bihi (Shuyukh Shu'bah al-ladheena da'afahom Imaam Ahmad)

30. Imaam Ibn Hazm DhaaHeriy (456) - inaloy nyan so sanad ar-Raazi ago phitaro iyan ko Muqaddimah al-Muhalla (si sekaniyan phag-daleel inonta ko Thiqaat)

31, Shaykh Nawaab Siddique Hasan Khan (1307) - Salafi - Saheeh (Abjadul 'Uloom)

32. Shaykh Muhammad bin Abdil 'Azeem al-Zurqaani (1367) - Saheeh (Manaahilul 'Irfaan fi Uloomil qur'an)


33. Shaykh Shu'ayb Al-Arnaot - Hasan (Editing Musnad Ahmad)

34. Shaykh Muhammad Husayn al-Dhahabi (Tafsirul Mufassiroon), Shaykh Wasiullah Abbas (Editing of Fadaelus Sahabah by Imaam Ahmad), Shaykh Hamza Zayn. (Editing Musnad Ahmad) - Saheeh

35. Shaykh Muhammad ibn Muhammad Abu Shuhbah (Isra-iliyyat wal Mawdo'at fi kotob tafsir)
- Phitaro iyan a saheeh


Gyanan so mga Ulama a tiyarima iran a Thiqah, Saheeh odi na Hasan so Hadith o Abu Ja'far al-Raazi sa aya kepit ami ron na Saheeh odi na Hasan so Hadith iyan


2. So Kepit o Abu Bakr, Umar ago Uthmaan (RadhiAllaho 'anho)

ونحو ما جاء عن العوام بن حمزة قال : سألت أبا عثمان عن القنوت في الصبح ، قال : بعد الركوع ، قلت : عمن ؟ ، قال : عن أبي بكر وعمر وعثمان

Phitaro o al-Awwam bin Hamzah: Inizaan aken so Abu Uthmaan mipantag ko qunot sa Soboh sa phitaro iyan: Oriyan o Ruko, Phitaro iyan, anda ka miyakowa a Kepit? Phitaro iyan: Phoon ko Abu Bakr, Umar ago 'Uthmaan (RadhiAllaho 'anhom)


 (Sunan Bayhaqi go Phitaro iyan a Hadith Hasan)


روى البزار عن سيدنا أنس: أن رسول الله صل الله عليه و سلم قنت حتى مات وابو بكر حتى مات عمر حتى مات

Piyanothol o Al-Bazzar a phoon ko Anas (RadhiAllaho 'anho) a mataan a so Rasulollah Sallallaho 'Alayhi wa sallam na phe-qunot taman ko kiyawafat iyan, so Abu Bakr na phequnot taman ko kiyawafat iyan, So Umar na Phe-qunot taman ko kiyawafat iyan

(Kashful Astaar - Phitaro o Haafiz Imaam Nurud Deen al-Haythami: So mga panonothol na mga Thiqah (Kasasarigan) go Phitaro e Shaykh Saqqaf: Hadith Muttasil Saheeh)



3. So Athar o Khaleefah 'Umar (RadhiAllaho 'anho):

سئل انس بن مالك: ا قنت عمر فى صلاة الصبح؟ قال لقد قنت من هو خير منه قنت النبى صل الله عليه و سلم

Inizaan so Anas (RadhiAllaho 'anho): Ba miyag-qunot so Umar (RadhiAllaho 'anho) ko sambayang a Soboh? Phitaro iyan (Anas): Mataan a miyag-Qunot so mas makalelebi adi sekaniya, Miyag-qunot so Nabi Sallallaho 'Alayhi wa sallam

(Tanqeeh al-Tahqeeq fi ahaadith al-Ta'leeq, Al i'tibaar fin Naasikh wal mansookh)


Phitaro o Imaam Ibn Abdil Barr: Mas madakel so mitharo a phe-qunot so 'Umar RadhiAllaho 'anho ko Sambayang a Soboh (Al-Istidhkaar)

Phitaro o Imaam Tahawi:

So Abdur Rahmaan bin Abi Layla, 'Ubayd bin 'Aamer, Taareq bin Shihaab na phitaro iran a phe-qunot so Umar (RadhiAllaho 'anho) sa Soboh ago so sanad iyan na Saheeh


4. So Athar o Khaleefah 'Ali (RadhiAllaho 'anho) ago so Abu Musa al- Ash'ari (RadhiAllaho 'anho)

عن عبد الله بن معقل قال كان على و أبو موسى يقنتان فى صلاة الصبج

Phitaro o Abdullah bin Ma'qal a aya olaola o 'Ali (RadhiAllaho 'anho ) ago so Abu Musa al Ash'ari (RadhiAllaho 'anho) na phequnot siran sa Soboh

(Tahawi ago Sunan Bayhaqi go phitaro o Imam Nimawi a so sanad iyan na Saheeh, Phitaro o Imaam Bayhaqi: Haadha 'an 'Ali Saheehon Mash-hoor - Gyanan na Saheeh ago Lumalangkap a Galebek o Ali RadhiAllaho 'anho )


5. So Athar o Abdullah bin Abbas (RadhiAllaho 'anho)

عن أبى رجاء عن ابن عباس قال صليت معه الفجر فقنت

Phitaro o Abu Raja: Mishambayang ako sa Soboh a ped aken so Abdullah bin 'Abbas (RadhiAllaho 'anho) na miyag-qunot sekaniyan  

(Tahawi go Phitaro e Imaam Nimawi a so so sanad iyan na Saheeh)


Phitaro aken:

Gyanan i Sembag ko Hadith o Tareeq al-Ashja'i (RadhiAllaho 'anho)

Ogaid na diden mapiya ko Muslim a Phe-qunot sa soboh o ba nya phepakarataan iyan so di qunot sa soboh, lagid iyan na oba so di qunot na oba nyan pakarata-a so Phe-qunot

Sabap sa omanisa na aden a thitindegan iyan a Daleel ko kepit iyan ago moonot sa Imaam a Kasasarigan so 'Ilmo iyan


So moonot ko Shafi'iyyah na Sunnah a Maka-qunot siran ko Soboh ago ped pen oto ko Ab'aadhus Salaah sa aya maana nyan na opama ka makalipat siran qumunot sa Sobh na Sunnah kenaba Waajib a sumujod siran sa Sahwi

Addendum:

So peman so mga tao a aya bo den a di iran di tharoon na antona-a ini a kiyalibogan kami ka mbarambarang den a kepit o mga Ulama


Aya sembag aken kiran na:

Aya sabap a kiyalibogi reka na sabap sa kenaba ka pemana-i Mujtahid na di ka tumetendo sa Madhab ka

So miyamakalala a Muhaddith sa donya lagid o

1. Imaam Bayhaqi (Miyapanthol a so minisorat iyan a kitab na phamanik 1,000 Volumes)

2. Imaam Daaraqutni (Lumalangkap ko Expertise iyan sa Hadith ago Jarh wa Ta'deel)

3. Shaykhul Islaam wa Ameerul Mu'mineen fil Hadith al-Haafiz Ibn Hajar As-qalaani (Sekaniyan so Khirek ko Tanto a kadadayoan a osayan ko Saheeh Bukhaari maana Fathul Baari) - Aya kabasa ron o sabaad ko mga Ulama na o aden a satiman bo a Hadith a di nyan katawan na mararani sa Mawdho' gyoto a Hadith

4, Imaam Nawawi (Sekaniyan so khirek ko Riyaadhus Saaliheen ago so more than 20 volumes a Encylopedia a Fiqh ago Hadith - Sharhul Muhadhdhab)

5. Imaam Ibn Maajah (Kirek ko Sunan Ibn Maajah sa Sihah Sittah)

6. Imaam Daarimi (Sunan Daarimi)

7. Imaam Haakim (Mustadrak Saheehayn)

8. Imaam Ibn Khuzaymah (Saheeh Ibn Khuzaymah)

9. Imaam Dhahabi (Morit o Ibn Taymiyyah)

10. Imaam Tabaraani

Ago madakel pen a mga Muhaddithoon sa Donya


So Miyamakalala a Mufassir sa Qur'an :

1. Imaam Ibn Katheer (Tafsir Ibn Katheer)

2. Imaam Suyuti (Tafsir Durril Manthoor)

3. Imaam Baghawi (Tafsir Baghawi lumalangkap sekaniyan Muhyes Sunnah)

4. Imaam Baydaawi (Tafsir Baydaawi)

5. Imaam Fakhrud Deen ar- Raazi (Tafsir


Ago miyamakalala a Fuqaha:

1. Imaam Ghazzali

2. Imaam al- Maawardi

3. Imaam Ibn Hajar Haytami

4. Imaamul Haramayn

5. Shaykhul Islaam Zakariyyah al-Ansaari

6. Imaam Khateeb Shirbeeni

7. Imaam Shamsud Deen al-Ramli


Tanto a madakel oba ken sii mibetad a miyamakalala a Ulama sa donya na moonot sa Shafi'iyyah


So tao na ba biden pamatiya sa Taarekh (Islamic History) na mailay nyan ka kadakelan ko mga Muhadditheen, Fuqaha, Islamic Historian, Arabic Grammarian, Awliyaa ago sabaad ko mga Islamic Emperor lagid o Salahud Deen Ayyubi (Rahimahumullah) na moonot sa Madhab a Shafi'iyyah

Aya bo a kiyatendoa ko ron sa Madhab Shafi'iyyah na kagiya gyanan i Madhab o mga Lokes tano

WAllaho a'lam bis sawaab